Líkamlegt form: Miðlungs, fær um að ganga 250-300m hækkun á klst í 5-7 klukkutíma.
Reynsla: Reyndur byrjandi, einhver fyrri reynsla en vantar aukið sjálfstraust.

Participants have to be able to skin up and ski down up to 1000 vertical meters, ski with confidence and link turns in off piste terrain.
Þátttakendur þurfa að geta skinnað upp og skíðað niður 1000 hæðarmetra, skíðað af öruggi og tengt beygjur í utanbrautar landslagi.

Group tour (4-6 participants)
Frá 395.000 kr. á mann.

Framboð á skálagistingu getur haft áhrif á verð. Ef breyta þarf skipulagi ferðarinnar vagna framboðs á gistiplássi í skálum getur það haft áhrif á verð ferðarinnar.

Fyrir private bókanir vinsamlegast hafið samband við okkur.

Undirbúningsfundur á Íslandi:
Nokkrum vikum fyrir ferðina höldum við undirbúningsfund fyrir hópinn. Við förum yfir ferðaskipulagið og þátttakendum gefst tækifæri á því að að spyrja spurninga og fá ráð varðandi búnað.

Dagur 1: Ferðalag til San Vito di Cadore
Besta leiðin til að komast til San Vito di Cadore er með flugi til Feneyja. San Vito er smábær staðsettur rétt fyrir sunnan Cortina d’Ampezzo í sama dal. Til að komast til San Vito er best hægt að taka leigubíl eða rútuna, Cortina express:
Cortina Express
Um kvöldið á hótelinu er lokaundibúningur þar sem við pökkum ofan í bakpokana og gerum okkur klár fyrir að fara á skíði.

Dagur 2: Utanbrautarskíðun í kringum Cinque Torri
Að loknum morgunmat tökum við strætó upp í Passo Falzarago (2105m). Við byrjum rólega og skíðum okkur í gang og nýtum lyfturnar á svæðinu og förum í stuttar fjallaskíðagöngur í kringum hinn vel þekkta klettaturn, Cinque Torri. Lyfturnar á svæðinu gera okkur kleift að komast hratt upp í hæð og auðvelda okkur að þefa uppi ósnertar púðurbrekkur. Dagurinn fer í að slípa til utanbrautarskíðunina og leiðsögumaður mun gefa tilsögn í skíðatækni.
Í lok dags tökum við lyftu upp í fjallaskálann Rifugio Lagazuoi (2752m) þar sem við gistum. Skálinn er staðsettur á klettabrún, bein undir Pizzo Lagoazuoi þar sem lengstu via ferrata leið Dolomitana er að finna, en leiðin var ein af mikilvægari framlínum ítalska hersins á tímum seinni heimstyrjaldarinnar.

Dagur 3: Rifugio Lagazuoi – Refugio Fanes
Dagurinn byrjar á frábærri skíðun þar sem við rennum okkur niður til Capanna Alpina (1720m). Við setjum skinnin undir skíðin og vinnum okkur upp brattar brekkur í átt að Col de Locia (2069m).
Þegar komið er í skarðið opnast dalurinn og fáum við frábært útsýni yfir verkefni morgundagsins. Eftir auðvelt rennsli lendum við í Refugio Fanes fjallaskálanum og njótum þess besta sem Ítalía hefur uppá að bjóða: Gestrisni, frábær matur og gott rauðvín.

Hækkun: 545 m
Lækkun: 1170 m

Dagur 4: Monte Ciase (2894m)
Dagstúr frá skálanum þar sem við eigum möguleikann á því að skilja eftir auka búnað og ferðast með léttari bakpoka þegar við skíðum. Stefnan er sett á Monte Ciase, en frá skálanum eru margir möguleikar í boði. Monte Ciase býður upp á frábærar brekkur sem eru ekki of brattar en eru mjög langar og mun ekki valda púðurþyrstum fjallaskíðurum vonbrigðum.
Eftir að hafa rennt alla leið niður af toppnum setjum við skinnin undir til að komast upp stutta brekku, og rennum okkur svo niður í skálann þar sem við gistum aðra nótt.
Hækkun: 980 m
Lækkun: 980 m

Dagur 5: Refugio Fanes – Sennes hutte
Að morgunmat loknum kveðjum við Refugio Fanes og stefnum á brattari brekkur sem liggja upp í fjallaskarðið Forchella Ciamin (2395m). Við skíðum norð-vestur of niður að Pedrú skálanum. Þar skellum við skinnunum undir og eftir um 2ja tíma göngu erum við komin í Sennes skálann þar sem við gistum í tvær nætur.
Hækkun: 1180 m
Lækkun: 1110 m

Dagur 6: Muntijela de Sennes (2780)
Enn einn dagurinn út frá skála þar sem við getum ferðast með léttari poka. Við göngum upp á Muntijela de Sennes þar sem við höfum útsýni yfir flest alla Dolomítana. Við rennum okkur niður af topp og alla leið aftur í skálann þar sem við gistum aðra nótt.
Hækkun: 750 m
Lækkun: 750 m

Dagur 7: Sennes hut – Cortina
Á síðasta skíðadeginum okkar er stutt ganga upp að Rifugio Biella. Við skíðum svo alla leið niður að hinu fræga vatni Lago di Braies. Þaðan tökum við leigubíl aftur á hótelið okkar í San Vito.
Hækkun: 400 m
Lækkun: 1000 m

Day 8: Ferðadagur
Tími til að kveðja þessi kyngimögnuðu fjöll í Dolomítunum og fara heim. Við notum daginn til að ferðast aftur til Íslands.

Besta leiðin til að komast til San Vito er með tengiflugi til Feneyja, auðvelt er að finna flug á dohop.is.
Ferðalagið frá flugvellinum í Feneyjum til San Vito tekur tekur um 2 tíma og hægt er að taka leigubíl eða Cortina express:
cortina express bus.

Brottafararstaður Cortina express rútunnar er að finna hér:this location

Skilyrði fyrir bókun ferðarinnar er að þátttakendur séu með tryggingu sem innifelur í sér leit og björgun í fjalllendi.
Björgunarsveitir í Evrópu og Sviss áskilja sér rétt til að fara fram á full greiðslu fyrir björgunarkostnaði, sem og notkun á þyrlu við björgun.
Við mælum jafnframt með því að þátttakendur séu með viðeigandi ferðatryggingar

Asgard Beyond áskilur sér rétt til þess að breyta út af dagskrá ferðarinnar með tilliti til veðurs og aðstæðna hverju sinni. Þetta er gert með öryggi þátttakenda í huga og til að tryggja bestu mögulegu upplifun af ferðinni. Ef ferðatilhögun breytis mjög mikið gæti fylgt því auka kostnaður td. ef ekki er hægt að fara upp í hæð vegna veðurs og gista þarf á hóteli niðri á láglendi í staðinn, eða notast við skíðasvæði.

Skíðabúnaður

• Fjallaskíði 95mm -105mm undir fæti
• Fjallaskíðaskór
• Skinn
• Skíðastafir
• Skíðabroddar

Tæknilegur búnaður

• Bakpoki 35 -40L með skíðafestingum
• Ísöxi (létt og fyrirferðalítil)
• Mannbroddar (léttir)
• Sigbeti (einfalt og létt göngubelti)
• 120 cm slingur
• Læstar karabínur x2
• Snjoflóðaýlir (með nýjum batteríum)
• Skófla
• Snjóflóðastöng (240cm)

Fatnaður

• Goretex jakki
• Goretex buxur
• Soft shell jakki (valkvætt, sumir kjósa að nota eingöngu skel)
• Soft shell pants (valkvætt, sumir kjósa að nota eingöngu skel)
• Þunnir hanskar
• Þykkari hanskar
• Húfa
• Buff
• Ennisband fyrir heitari daga
• Innstalag, síðarema bolur (ull eða gerviefni)
• Innstalag, föðurland (ull eða gerviefni)
• Sunhat

Millilag

• Einangrandi jakki, léttur (fiber eða dúnn)
• Annar einangrandi jakki eða vesti, veltur á hversu kalt þér er (valkvætt)

Hitt og þetta

• Sólgleraugu (cat 3-4)
• Skíðagleraugu (með ljósri linsu)
• Sólarvörn SPF 50
• Varasalvi með UV vörn
• Höfuðljós
• skíðastrappi
• Vatnsflaska 1L
• Hitabúsi 0,5L (valkvætt)
• Hælsærisplástrar og teip
• Hleðslubanki til að hlaða síma
• Nasl fyrir dagana (hnetur, orkustykki…)

Fyrir skálann

• Auka ullarsokkar
• Bolur
• Eyrnatappar
• Lakpoki
• Peningur til að kaupa mat/drykki í skálanum (CHF)
• Tannbursti, sápa…
• Lítið þvottastykki (valkvætt)