Fyrir Spagetti þverunina:
Líkamlegt form: Miðlungs, fær um að ganga 250-300m hækkun á klst í 5-7 klukkutíma.
Reynsla: Reyndur byrjandi, einhver fyrri reynsla en vantar aukið sjálfstraust.

Fyrir Matterhorn viðbót:
Líkamlegt form: Öflugt form, Fær um að ganga 300-400m hækkun á klst í 8-12 klukkutíma.
Reynsla: Fær í flestan sjó, með góða þekkingu og reynslu í faginu

Hópferð (2, 4 or 6 þátttakendur)
570.000 kr. á mann
820.000 kr. á mann, með Matterhorn viðbót

Hlutfall á leiðsögumann fyrir Spagetti þverunina er 2:1 og lágmarks bókun á ferð eru 2 þátttakendur
Hlutfall á leiðsögumann fyrir Matterhorn er 1:1

ÁætlaPrice estimate for expenses not included in the tour:

• Train to and form Zurich airport: 40.000 kr.
• Lifts in Zermatt: 20.000kr
• Spending in huts:30-50 EUR per day depending on consumption
• Hotel for two nights in Zermatt: Variable options from hostels to fine hotels
• Air travel to and from Zurich: 60-80.000 kr.

Undirbúningsfundur fyrir ferð:
Við bjóðum upp á undirbúningsfund með leiðsögumanni fyrir hópinn nokkrum vikum áður en ferðin fer af stað. Þar gefst tækifæri til að spyrja spurninga og fá ráð um búnað og annað sem er óljóst.

Dagur 1: Ferðalag til Zermatt

Í dag er ferðadagur. Best er að bóka beint flug til Zürich í gegnum Icelandair. Frá flugvellinum í Zürich tökum við svo lest í gegnum fjöllin til Zermatt. Lestarferðalagið tekur um 3.5 tíma og í Zermatt komum við okkur fyrir á hóteli og slökum aðeins á. Um kvöldið hittumst við svo á veitingastað í bænum og förum yfir hvað er framundan.
Gist í Zermatt í eina nótt.

Dagur 2: Breithorn 4160m og Pollux 4089m
Snemma um morguninn tökum við lyftu upp á Klein Matterhorn sem er beint fyrir ofan bæinn. Við göngum beint út úr lyftustöðinni og inn á jökulsléttuna og vinnum okkur að fyrsta fjalli ferðarinnar, Breithorn (4160m). Brattar snjóbrekkur leiða okkur upp á þetta tignarlega fjall, og eftir að hafa notið útsýnisins yfir Zermatt dalinn tökum við stefnuna austur og klifrum Pollux (4089m). Leiðin þangað upp er fjölbreitt þar sem við klifrum snjó hryggi og auðvelt klettaklifur sem kemur okkur á toppinn.
Eftir að hafa toppað tvo 4000m tinda komum við okkur hægt og örugglega efrit jöklinum og lækkum okkur niður í Ayas fjallaskálann þar sem við gistum í eina nótt.
Hækkun: 790m
Vegalengd: 9km

Dagur 3: Castor 4225m
Við tökum daginn snemma og í birtingu höldum við upp jökulin í átt að Castor (4225m). Efsti parturinn af brekkunni getur verið mjög brattur og gætum við þurft að beita frambroddum og klifra upp síðustu metrana með einni öxi.
Síðustu metrarnir upp á topp eru eftir brattri og mjórri snjóegg þar sem vanda þarf sporin, alvöru landslag sem myndi flokkast undir klassíska alpaklifur upplifun. Frá toppnum vinnum við okkur niður í Felikjoch skarðið og svo alla leið niður í næsta skála, Quintino Sella, þar sem við gistum eina nótt.
Hækkun: 870m
Vegalengd: 6km

Dagur 4: Naso del Lysskamm 4272m og Vincent Pyramid 4215m (3905 m)
Fyrsti stóri dagur ferðalagsins. Við ættum að vera búin a venjast hæðinni aðeins betur á þessum tímapunkti. Við höldum áfram að þvera jöklana í fjallgarðinum til austurs, undir hrikalegum hlíðum Lysskamm. Stuttur kafli af bröttu snjóklifri kemur okkur á toppin á Naso del Lysskamm. Þaðan þverum við stóran jökul sem leiðir okkur að lokum upp á toppinn á Vincent Pyramid (4215m).
Næstu nótt gistum við svo í faðmi ítalskra gestgjafa í Gnifetti skálanum, en skálinn er alþekktur fyrir einn besta mat sem hægt er að fá í fjallaskála í ölpunum.
Hækkun: 1000m
Vegalengd: 8.8km

Dagur 5: Í dag söfnum við tindum
Dagurinn byrjar mjög snemma í rökkri því við ætlum að klifra eins marga tinda og við getum. Uppímóti allan daginn förum við á eftirfarandi 4000m tinda: Corno Nero 4321m, Ludwigshöhe 4343m, Parrotspitze 4434m, Zumsteinspitze 4563m og Signalkuppe 4554m. Dagurinn mun reyna á færni okkar í öllum tegundum af landslagi eins og bröttum snjó, mjóir og brattir hryggir og auðvelt klettaklifur. Í lok dags gistum við í Margherita skálanum en það er sá skáli sem situr hæst af öllum skálum í ölpunum, eða í 4554m.
Það getur verið erfitt að ná góðum nætursvefn í svo mikilli hæð.
Hækkun: 1000m
Vegalengd: 6km

Dagur 6: Signalkuppe – Zermatt
Meirihluti dagsins fer í hæðarlækkun. Við leggjum snemma af stað frá Margherita til að tryggja að snjóbrýr séu öruggari og í góðu standi á jöklinum. Með ótrúlegt útsýni yfir fjallgarðinn og Zermatt þræðum við okkur á milli jökulsprungna niður Grez jökulinn. Rétt undir lokin við Gornergrat er síðasta hækkun ferðarinna upp bratta grjótabrekku á góðum göngustíg. Stígurinn leiðir okkar að lestarstöðinni í Rotenboden þar sem við tökum fjallalest aftur niður til Zermatt.
Tími til að fagna þessum frábæra fjallaáfanga og við tyllum okkur niður á einn af fjölmörgum veitingastöðum í Zermatt, borðum saman.

Hækkun: 500m
Lækkun: 2180m
Vegalengd: 14km

Dagur 7: Ferðadagur til Íslands
Þessi dagur er hugsaður sem ferðadagur til Íslands, þar sem þátttakendur geta tekið lestina snemma á flugvöllinn í Zürich og ferðast heim.
Hægt er að framlengja ferðina með því að bæta 3ja daga Matterhorn ferð við ferðalagið. Viðbótin hentar einstaklega vel fyrir þá sem eru í mjög góðu formi og til í stærra verkefni og tilvalið að nýta tækifærið þar sem búið er að aðlaga líkamann að 4000m hæð.

Ef þú ætlar þér að bæta Matterhorn við þessa ferð, passaðu þá að bóka gistingu í Zermatt fyrir dag 7 og 9.

Matterhorn viðbót

Day 8: Matterhorn viðbót – Ganga upp í skálann
Þátttakendur nota dag 7 í Spagetti þveruninni til að hvíla sig í Zermatt.
Um morguninn tökum við lyftu upp að Schwartzsee og göngum upp í Hörnlihutte. Gangan tekur um 2.5 tíma. Þegar komið er í skálann fer leiðsögumaðurinn yfir skipulagið fyrir toppadaginn og við förum snemma í háttinn.

Day 9: Matterhorn viðbót – Toppadagur
Eftir mjög stuttan morgunverð gerum við okkur klár og förum af stað. Fyrstu klukkutímarnir erum við í myrkri með höfuðljós og vinnum okkur upp klettarifin fyrir ofan skálann. Eftir því sem við klifrum hærra verðu fjallið brattara, og erfiðustu kaflarnir eru búnir þykkum köðlum sem hægt er að halda í og hífa sig upp.
Leiðin er yfirleitt ekki með miklum snjó, en loka hryggurinn upp á toppinn er oftast hulinn snjó þar sem þarf að beita ísöxi og mannbroddum.

Toppadagurinn er mjög krefjandi og tekur um 8 klukkutíma af viðstöðulausu klifri/göngu. Tíminn sem það tekur að komast upp á topp eru um 4 tímar og klifrið niður tekur jafn langan tíma. Það er mjög mikilvægt að þátttakendur séu vel undirbúnir og í góðu formi.
Frá toppnum á Matterhorn vinnum við okkur niður og göngum alla leið niður í lyftustöðina við Schwartzsee og endum í Zermatt þar sem við gistum síðustu nóttina.

Dagur 10: Matterhorn viðbót – Ferðadagur
Ferðadagur til Íslands þar sem við tökum lestina snemma um morguninn á flugvölinn í Zürich.

Skilyrði fyrir bókun ferðarinnar er að þátttakendur séu með tryggingu sem innifelur í sér leit og björgun í fjalllendi.
Björgunarsveitir í Evrópu og Sviss áskilja sér rétt til að fara fram á full greiðslu fyrir björgunarkostnaði, sem og notkun á þyrlu við björgun.
Við mælum jafnframt með því að þátttakendur séu með viðeigandi ferðatryggingar.

Asgard Beyond áskilur sér rétt til þess að breyta út af dagskrá ferðarinnar með tilliti til veðurs og aðstæðna hverju sinni. Þetta er gert með öryggi þátttakenda í huga og til að tryggja bestu mögulegu upplifun af ferðinni. Ef ferðatilhögun breytis mjög mikið gæti fylgt því auka kostnaður td. ef ekki er hægt að fara upp í hæð vegna veðurs og gista þarf á hóteli niðri á láglendi í staðinn, eða notast við skíðasvæði.

Tæknilegur búnaður

• Klifurbelti
• Hjálmur
• Mannbroddar
• 2 læstar karabínur
• Ísöxi
• Fjallaskór
• Bakpoki 35-40L
• Göngustafir (optional)

Fatnaður

• Goretex jakki
• Goretex Buxur
• Soft shell jakki (valkvætt, sumir kjósa að nota eingöngu gore-tex)
• Soft shell pants (valkvætt, sumir kjósa að nota eingöngu gore-tex)
• Fiber eða dúnjakki
• Flíspeysa
• Þunnir hanskar
• Þykkari hanskar
• Húfa
• Buff (háls/andlitshlíf)
• Ennisband (fyrir heitari daga)
• Innsta lag, síðerma bolur (ull eða gerviefni)
• Insta lag, föðurland (ull eða gerviefni)
• Derhúfa
• Sokkar

Hitt og þetta

• Sólgleraugu (cat 4)
• Skíðagleraugu (með ljósri linsu)
• Sólarvörn SPF 50
• Varasalvi með sólarvörn
• Höfuðljós
• Vatnsflaska 1L
• Hitabrúsi 0,5L (optional)
• Hælsærisplástrar/teip
• Hleðslubanki og hleðslutæki
• Nasl fyrir dagana (hnetur, orkustykki…)

Fyrir skálann

• Auka sokkar
• Bolur (valkvætt)
• Eyrnatappar
• Svefnpoka-liner
• Reiðufé fyrir neyslu í skálanum (EUR)
• Tannbursti, sápa…